ازاي تحافظي علي شبابك

( الحور العين ) هتقولك 11 نصيحة إزاي تحافظي بيهم على شبابك؟!

1- الترطيب:

لازم نحافظ على بشرتنا وتكون دايما نضره بالترطيب مرتين يوميا (صباحا ومساء).

2- تبييض الأسنان:

مع مرور الوقت، ممكن اسناننا لونها يتغير للاصفر من تأثير القهوة أو الشاي.

3- ابتسامة:

ابتسامة بسيطة ترسميها من وقت للتاني ممكن تصغرعمرك سنين وكمان تخلي جو من الهدوء والسعادة في بيتك. احرصي على الأبتسام

4- النوم:

قلة النوم بتأثر جدا على وظايف الجسم وعلى الشكل, بتخلي العنين منتفخة و بشرتك شاحبة وباهتة, حولي إنك تظبطي يومك إنك تنامي على الأقل 7 ساعات يوميا!

5- الخدين:

مع ازدياد العمر بيحصل جفاف للجلد، عشان كده في أنواع من أحمر الخدود بتكون كريم ومش بودر, البودر بيظهر الخطوط فالوجه بس الكريم بيدي لمعه وترطيب للجلد.

6- كريم الأساس:

حاولي التقليل من استعمال كريم الأساس لانه مع الوقت بيساعد على ظهور التجاعيد والخطوط فالوجه, لو محتاجاه حاولي تستعملي بودره وجه بس وقبلها ممكن تستعملي واقي شمس عشان يرطب ويحمي.

7- تجنبي الماسكارا الثقيلة:

امسحي الماسكارا بمنديل ورقي قبل استعمالها عشان متبقاش سميكه ومكلكعة وهتدي شكل طبيعي أكتر.

8- الشفاه:

استعملي أحمر الشفاه المرطب أو زبده كاكاو باللون اللي تحبيه، وتجنبي أحمر الشفاه المط لانه شديد الجفاف.

9-الحاجبين:

خليكي حريصة وحاولي تبعدي عن إنك ترفعي حواجبك.وإذا كانت حواجبك رفيعة فممكن تستعملي قلم الحواجب أو ظلال العيون لملأها.

10- شرب الماء:

شرب 6-8 أكواب كل يوم وده هيخلي بشرتك رطبة ويطرد السموم من جسمك ويحافظ على تخلصك من الدهون الزيادة.

11- الوقوف مفروضة الضهر:

الوقوف بشكل مستقيم بيدي ايحاء بالثقة فالنفس ولو استمرتي على الوقوف والمشي بضهر مفروض سوف يجعلك أصغر سنا خمس سنوات، وكمان هيخليكي تباني ارفع! ( الحور العين )