( الحور العين )
قواعد الرجل الاربعين ...
1- الراجل ب طبعه كائن غير موضوعي لا يمت ل الواقع ب صله ..
2- الراجل بطبعه مابيعترفش ب غلطه ودايما هيشوفك انتي ال غلطانه ...
3- الراجل ب طبعه مابيحبش تسأليه اتاخرت ليه يعني لو نزل مشوار صغير و اتاخر 20 سنه ضوئيه ماينفعش تسأليه اتاخرت ليه ...
4- الراجل ب طبعه مابيحبش تسأليه وهو خارج انت رايح فين يعني لو شايفاه ماسك مدفع آلي و مأجر مدرعه ماتفكريش تساليه رايح فين ...
5- بديهي جدا ان يكون الراجل ب طبعه مابيحبش تسأليه انت كنت فين..
6- الراجل ب طبعه مابيحبش تسأليه كنت ب تكلم مين حتي لو كان معاه تليفون الساعه واحده الفجر ل مده ساعتين ..
7- الراجل ب طبعه عنده مشكله ف تقدير الوقت يعني لو قالك 10 دقايق و هكلمك اوعي تستني 100 دقايق استني 10 ايام و بعدين ابتدي اقلقي ...
8- الراجل ب طبعه غير مقنع ف اجاباته يعني لو سالتيه ازيك و رد عليكي ان في عاصفه ف السنغال لازم تقتنعي ب الاجابه ..
9- الراجل ب طبعه مش بياخد باله من الحاجات الصغيره زي لون شعرك ولبسك ومكياجك ..
10- لكن ماينفعش نظلمه هو بياخد باله لو تخنتي 25 جرام و هيفكرك ب ده كل نص ساعه ..
11- الراجل ب طبعه مش بيقتنع ب اي اجابه تقوليها يعني مهما يسالك و تجاوبيه هايحس انك بتشرحي طريقه عمل المسقعه ..
12- الراجل ب طبعه بيشوف انك مقصره معاه مهما اهتميتي بيه ..
13- الراجل ب طبعه كائن يبحث عن المشاكل ولو مالقاش مشكله سوف تكونين انتي المشكله ..
14- الراجل ب طبعه كائن غير رومانسي ماتحاوليش تتكلمي معاه عن اي فيلم او مسلسل رومانسي او اغنيه رومانسيه ...
15- الراجل ب طبعه كائن غير مؤهل نفسيا ل المفاجات يعني مهما عملتيله مفاجاه و اتفاجا مش هايتبسط ...
16- الراجل ب طبعه كائن غير متسامح و قلبه اسود يعني هايفضل فاكرلك اي غلطه عملتيها ل مده 44 سنه علي الاقل ...
17- الراجل ب طبعه كائن اجتماعي مع الغير و خصوصا اذا كان هذا الغير من النساء الجميلات ..
18- الموهبه الحقيقيه ل الرجل تكمن في قدرته الغريبه علي انه يضايقك ويعصبك حتي في صمته ...
19- الراجل ب طبعه بيفهم غلط ماتحاوليش تصلحيله اي سوء تفاهم ..
20- الراجل ب طبعه لا يسعي الي ارضائك و لن يسعي الي ارضائك هو فقط يسعي ل عدم الدخول معاكي ف حوارات لما يكون مصدع ..
21- الراجل ب طبعه بيشوف الانثي هي مصدر المشاكل الرئيسيه و الاساسيه التي يتعرض لها كوكب الارض وبعض المجرات المجاوره ..
22- الراجل ب طبعه لن يري من ذكائك اي ملامح هو فقط يراكي شخص غبي نشيط او غبي كسلان حسب ايهما اقرب الي تصرفاتك ...
23- الراجل ب طبعه هيشوفك نكديه حتي لو ضحكتي 233 ساعه ف اليوم وسكتي بس ساعه ف انتي نكديه ..
24- الراجل ب طبعه مقتنع ان الست ب تتاخر ف مواعيدها ف متحاوليش تروحي ف معادك بدري لانك حتي لو وصلتي قبله هايفضل مقتنع ان الست دايما بتتاخر ف مواعيدها ..
25- الراجل بطبعه يفضل الكسل عن اي نشاط اجتماعي له علاقه بيكي ..
26- الراجل ب طبعه بيبالغ ف اعجابه ب نفسه وتصرفاته وشخصيته وقدراته التي يراها تفوق قدرات سوبرمان شخصيا..
27- الراجل بطبعه يميل الي الكدب ..
28- الراجل ب طبعه كائن نكدي ولكنه لا يستطيع رؤيه هذه الحقيقه ...
29- الراجل ب طبعه لا يسعي الي احتوائك ولن يسعي الي احتوائك ف هو طفل صغير يسعي الي كسب اعجاب الاخرين ...
30- الراجل ب طبعه مستمع غير جيد ماتحاوليش تحكيله اي حاجه ل مصلحتك ...
31- الراجل ب طبعه بيعشق جملة "شفتي منا قولتلك" ل اثبات انه دايما رايه صح ..
32- الراجل ب طبعه لا يصلح ل المناقشات لانه دايما عايز يقولك الكلام وتنفيذه ب الحرف كأنك انسان آلي مع تذكيرك انك مابتعمليش ال اتفقتوا عليه دائما وابدا...
33- الراجل ب طبعه لا يقبل الانتقادات ولكنه كائن ينتقد الاخرين ب شده ...
34- الراجل ب طبعه عنده قدره غريبه علي تحليل تصرفاتك وطباعك وشخصيتك و تفكيرك تحليلا خاطئا ....
35- الراجل ب طبعه مستفز ...
36- الراجل ب طبعه لا يجيد اتخاذ القرارت ...
37- الراجل ب طبعه كائن عصبي ...
38- الراجل ب طبعه ب يسعي ل التعرف علي كل جديد و خصوصا اذا كان هذا الجديد هو انثي جميله ...
39- الراجل ب طبعه اناني ...
40- الراجل ب طبعه كائن غير موضوعي ولا يمت ل الواقع ب صله ...
( الحور العين )
إشترك بالنشرة البريدية
تحويل كودإخفاء محول الأكواد الإبتساماتإخفاء